新聞類別
財經
詳情#
【明報專訊】匯控(0005)高層周末大地震,傳行政總裁紀勤「分手費」落袋最多有4.4億元,不過紀勤要離開匯控,點都唔及渣打集團(2888)主席莊貝思(John Peace)咁着數,無啦啦淨袋488萬元,認真和味。
年薪177萬美元
莊貝思作為渣打主席同非執行董事,上年全年人工有177萬美元,即約1380萬港元。根據渣打嘅有限制股份計劃,噚日再向莊貝思以零行使價,授出20764股普通股嘅認股權。
渣打股價噚日表現勢如破竹,升咗差不多半成,計番落莊貝思足足有市值488萬元股票袋落袋。
有限制股份計劃係用嚟遞延僱員部分年度表現獎勵嘅工具,同埋激勵及挽留表現突出嘅員工。獲得嘅股份之中,一半喺2年之後先可以攞到,餘額喺3年之後先可以拎到。莊貝思就梗係期望渣打愈升愈多啦!
回應 (0)