網民《樓市三字經》 諷樓調

【明報專訊】今年4月，國務院出台調控樓市「國十條」，可惜樓價只係輕輕跌咗少少，今年「金九銀十」傳統旺季，部分城市房價反彈。近日網上流傳一個《樓市三字經》視頻，借用《三字經》行文格式，再配以搞笑嘅卡通畫面，諷刺樓市調控政策，狠批房地產市場種種亂象，受到網友熱捧。

段視頻時間長6分24秒，最早於25日下午出現喺某論壇上，上傳者嘅網名叫做「忍著點吧」。全篇共有384個字，約《三字經》篇幅五分之一。文章不但段落規整、押韻，讀起來也琅琅上口，頗有氣勢。

道出半年來房地產變化

有興趣可到以下網址睇睇：

http://www.tudou.com/programs/view/vYLZVRobVZo/

製作者將呢本山寨版《三字經》分成4個部分，從央企搶地、房產新政出台講起，直到近期嘅房價反彈，將半年來房地產市場變化和百姓嘅複雜心理娓娓道來，讓網友深有感觸。「四月中，新政降，如驚雷，似猛浪」、「剛需族，燃希望，不降價，買屁房」、「大趨勢，漸明朗，鬼房價，還要漲」……，視頻中嘅朗誦聲，以書童嘅聲音唱出來。視頻最後出現咗一張嬰兒酣睡嘅照片，製作者附上文字：「孩子，爸爸希望你長大後，用你的勤勞、智慧換來幸福的生活，你的命運，不再因為房子而變得坎坷。」

內地《新聞晨報》記者聯繫上視頻嘅發布者「忍著點吧」，據佢介紹，呢段惡搞視頻，係團隊合作成果，分別負責撰寫文本、製作視頻和配音配樂。從8月中旬左右開始製作，前後持續咗1個月。呢個團隊先前已有作品《樓市春晚》，同樣大受歡迎。

報料電郵﹕piano@mingpao.com