一呷辨不同 咖啡金舌頭誕生

【明報專訊】近年飲咖啡成為潮流，唔少港人好似Emily咁喺每日緊張嘅工作期間，都會搵機會歎杯咖啡鬆一鬆。香港咖啡行業協會噚日喺會展搞咗幾個咖啡比賽，其中一項係「咖啡杯測大師」，參加者要有分辨唔同咖啡嘅「金舌頭」能力。比賽分8個組合，參加者要喺每個組合面前放咗嘅3杯咖啡，逐一品味，搵出唔同味道嘅一杯，最終由鄺偉豪奪冠。


除咗鬥味覺，當然要鬥炮製出一杯香醇、味道有層次嘅咖啡啦，「手冲咖啡大師」比賽由王家俊奪冠；聽日（周四）仲會有「咖啡大師比賽」及「拉花大賽」，Emily都想睇吓冠軍會拉出乜嘢花紋圖案！