新聞類別
副刊
詳情#
【明報專訊】又有一間老店要結業，以魚蛋魚片聞名嘅油麻地駿發花園夏銘記麵家，會喺今個月15號結業，好多人都話由寨城批發檔、何文田勝利道，一直幫襯咗成47年。Emily噚日去咗夏銘記，78歲嘅老闆夏藩銘即場唧咗粒彈牙墨魚丸畀Emily試。
自評現時出品60分
40多年嚟，老闆夫婦每日親手製作魚蛋，為咗「品質」二字親力親為。「做呢行係賺滿足感，錢係買唔到。」但夏太兩年前大病一場，屋企人都唔忍心畀佢繼續操勞，加上老闆年紀漸大，6月開咗家庭會議後就決定結業。
老闆堅持來貨要新鮮，唔用冰鮮魚，粒粒丸都用人手「唧出嚟」，「我自己評分，畀勝利道出品有85分，家就60分」，但客人都讚與其他店相比，夏銘記嘅魚蛋出色好多！老闆話每次聽到讚賞都好滿足。
老闆話移居加拿大嘅熟客掛住夏銘記嘅味道，託人喺香港帶碗魚蛋河去加拿大；佢笑言「根本沒可能，魚蛋會壞㗎嘛」，最後畀個客帶走幾條炸魚條「搭飛機」去加拿大。
Emily同大仔Roger傾咗陣，原來佢有機械工程、生產管理兩個碩士學位，細佬曾跟阿爸學過打魚蛋。本來打算兩兄弟拍住上，但老闆都係唔肯畀啲仔做，一來擔心佢哋唔能夠保持夏銘記一貫水準，二來唔想阿仔太辛苦，「我自己做呢行知辛苦，梗係唔想個仔做番呢行啦」。但Roger話結業只係「小別」，「等阿爸唞吓、心情好啲，又或者諗通咗後會肯教我哋」。
明報記者 劉嘉裕
自評現時出品60分
40多年嚟，老闆夫婦每日親手製作魚蛋，為咗「品質」二字親力親為。「做呢行係賺滿足感，錢係買唔到。」但夏太兩年前大病一場，屋企人都唔忍心畀佢繼續操勞，加上老闆年紀漸大，6月開咗家庭會議後就決定結業。
老闆堅持來貨要新鮮，唔用冰鮮魚，粒粒丸都用人手「唧出嚟」，「我自己評分，畀勝利道出品有85分，家就60分」，但客人都讚與其他店相比，夏銘記嘅魚蛋出色好多！老闆話每次聽到讚賞都好滿足。
老闆話移居加拿大嘅熟客掛住夏銘記嘅味道，託人喺香港帶碗魚蛋河去加拿大；佢笑言「根本沒可能，魚蛋會壞㗎嘛」，最後畀個客帶走幾條炸魚條「搭飛機」去加拿大。
Emily同大仔Roger傾咗陣，原來佢有機械工程、生產管理兩個碩士學位，細佬曾跟阿爸學過打魚蛋。本來打算兩兄弟拍住上，但老闆都係唔肯畀啲仔做，一來擔心佢哋唔能夠保持夏銘記一貫水準，二來唔想阿仔太辛苦，「我自己做呢行知辛苦，梗係唔想個仔做番呢行啦」。但Roger話結業只係「小別」，「等阿爸唞吓、心情好啲，又或者諗通咗後會肯教我哋」。
明報記者 劉嘉裕
留言 (0)
