新聞類別
副刊
詳情#
【明報專訊】政府希望推動知識產權貿易，搞得好版權問題，除咗保護原創者，亦會有更多商機，好似本地原創、馬榮成嘅《風雲》漫畫就透過授權方式，開發好hit嘅網絡遊戲，其實唔同行業亦都可以crossover。商務及經濟發展局長蘇錦樑（Greg）想推動知識產權之餘，亦都希望推廣香港品牌，噚日就相約一班玩具業同電影業人士坐埋食飯，探討有乜嘢合作空間。
Greg今次拉攏到電影業嘅勁人，好似導演陳可辛、美亞娛樂董事總經理唐慶枝、資深電影人莊澄等，同玩具協會主席湯誠正及一眾玩具業界坐埋一齊腦震盪，探討合作機遇，點樣透過授權（licensing）互補優勢，撮合創造商機。
雖然玩具同電影好似關係唔大，但Greg就覺得其實電影同玩具都可以合作，例如有出名嘅玩具，係可以幫電影做宣傳。雖然有人會擔心一套戲商業味道太濃會影響觀眾對電影嘅評價，但與會者都覺得唔同業界可以一齊諗吓點樣擴大發展同合作空間，如果做得好，仲可以宣傳埋香港呢個品牌
Greg今次拉攏到電影業嘅勁人，好似導演陳可辛、美亞娛樂董事總經理唐慶枝、資深電影人莊澄等，同玩具協會主席湯誠正及一眾玩具業界坐埋一齊腦震盪，探討合作機遇，點樣透過授權（licensing）互補優勢，撮合創造商機。
雖然玩具同電影好似關係唔大，但Greg就覺得其實電影同玩具都可以合作，例如有出名嘅玩具，係可以幫電影做宣傳。雖然有人會擔心一套戲商業味道太濃會影響觀眾對電影嘅評價，但與會者都覺得唔同業界可以一齊諗吓點樣擴大發展同合作空間，如果做得好，仲可以宣傳埋香港呢個品牌
留言 (0)
