新聞類別
財經
詳情#
【明報專訊】今年4月來港上市時,備受本港散戶熱捧嘅法國護膚品牌歐舒丹(0973,L'Occitane),本月30日開股東大會。如果香港散戶要出席,恐怕要坐14個鐘長途飛機,事關股東會喺千里之外嘅盧森堡舉行。
歐舒丹噚日嘅通告話,作為一間喺盧森堡註冊成立嘅公司,按盧森堡法律,須於盧森堡舉行股東周年大會。股東要投票,就要親身或派代表去到盧森堡。小琴上網查一查,搵唔到香港直飛盧森堡嘅航班,比較平嘅來回機票含稅要近1萬元,飛行時間14個鐘,中途仲要轉機。
歐舒丹話,管理層喺當日香港時間下午4點,會喺香港搞個管理層報告會,畀股東參加,會上管理層會匯報業務活動,及答覆提問,但並非股東會嘅一部分,故此唔能夠投票。
回應 (0)