7．30至8．8 CY離港休假

【明報專訊】政壇喺換局長風波後，開始靜番少少，政府噚日宣布特首梁振英（CY）將會休假，唔計周六、周日，特首一年最多可以累積22日假。今次CY由7月30日至8月8日上午期間離港休假，就放咗7日，佢放假期間，政務司長林鄭月娥將會署理特首職務。


翻查紀錄，CY舊年8月6日至10日亦有離港休假，似乎CY對農曆新年同暑假放假係情有獨鍾。


至於CY對上一次離港休假，就係5月嘅事，當時佢由16日放假至25日，唔計假日共放5日假，另外2月份情人節後亦放咗3日假。