民記月中驗牛下水 叫居民安心飲用

【明報專訊】鉛水風波愈燒愈烈，政府噚日驗到牛頭角下邨嘅水辦含鉛量超標，確認民主黨本月17日嘅驗水結果；而喺18日出動到流動驗水車嘅民建聯，驗咗24個水辦都冇超標，民建聯之後喺區派單張，話「食水安全合格，居民可以放心」，叫大家「安心飲用」，今次民建聯真係唔好彩。


民建聯陳鑑林之前喺傳媒訪問中，話民主黨做10個樣本比例太少，民建聯做24個水辦，可信度更高。民主黨噚日即刻喺facebook專頁拎民建聯單張嚟玩，話民建聯嘅單張同官方說法相矛盾，做法粗疏。至截稿前，陳鑑林未有回覆Emily嘅查詢。