田北俊論熱廚房﹕個廚掂，就多多人都肯入

【明報專訊】前公務員事務局長鄧國威呈辭、前民政事務局長曾德成又「樂意退休」，自由黨榮譽主席田北俊目前身在遠方夏威夷檀香山度假，可以樂得清閒「食花生」。佢噚日就喺facebook上載一張廚房影嘅烤肉相，仲加咗句「個廚係掂嘅，就多多人都肯走入熱廚房幫手！唔掂嘅就……」，明顯同近日換局長爭議有關。


問責班子自特首梁振英上任至今，已經有9個局長因為不同原因離任，田北俊自從唔再出任全國政協委員後，不時抽水論政。呢張廚房相見到田少同個廚好開心咁燒緊牛扒，另一張相就見到田少飲靚酒同食扒嘞。


（田北俊facebook圖片）