新聞類別
財經
詳情#
【明報專訊】捐血你可能試得多，捐精呢？仲要係馬雲請你捐？唔好咁快耍手擰頭住，有成5000蚊人仔攞番㗎！不過又唔係你話想捐就可以捐，因為雖然今次活動無提到，但捐精呢件事一向對捐贈者有啲要求，例如北京要求你要170厘米高、上海要求你近視唔好超過500度咁，要攞錢唔易㗎。
京限高限重 滬要視力好
查實係《第一財經》噚日報道，話淘寶「聚划算」推出咗個叫「聚精會神」團購活動，同內地醫學檢驗集團推出親子鑑定O2O團購，重點就係同時同北京、上海、廣東、廣西、四川、陝西、江西7個省市精子庫合作預約捐精，只要通過合作機構要求，可以攞返3000至5000蚊人仔補貼。
雖然小琴係女性，無得參與捐精，不過都義不容辭幫巴打們睇吓有咩要求，以兩大城市北京同上海為例，北京就比較嚴格，捐贈者至少要高170厘米、體重指數（BMI）18至30，唔可以有遺傳病同多個性伴侶咁；上海就簡單得多，身高唔限、性伴侶唔限，最緊要係近視唔准深過500度，同無遺傳病就得嘞。
[小琴密語]
京限高限重 滬要視力好
查實係《第一財經》噚日報道，話淘寶「聚划算」推出咗個叫「聚精會神」團購活動，同內地醫學檢驗集團推出親子鑑定O2O團購，重點就係同時同北京、上海、廣東、廣西、四川、陝西、江西7個省市精子庫合作預約捐精，只要通過合作機構要求，可以攞返3000至5000蚊人仔補貼。
雖然小琴係女性，無得參與捐精，不過都義不容辭幫巴打們睇吓有咩要求，以兩大城市北京同上海為例，北京就比較嚴格，捐贈者至少要高170厘米、體重指數（BMI）18至30，唔可以有遺傳病同多個性伴侶咁；上海就簡單得多，身高唔限、性伴侶唔限，最緊要係近視唔准深過500度，同無遺傳病就得嘞。
[小琴密語]
留言 (0)
