公民黨遲來的示威 「唔係同人比賽」

【明報專訊】近日鉛水事件愈搞愈大，各個政黨都爭住幫居民發聲，既搞居民大會又驗水。不過公民黨過去幾日就似乎無咩影，喺今次事件冇乜曝光。公民黨噚日趁房委會開會到場抗議，公民黨黨魁梁家傑（左三）亦都有現身。Emily問過梁家傑點解公民黨咁遲先出嚟，佢就話其實一直都有幫緊各邨居民驗水，仲話「做嘢唔係為曝光嘅，（示威）都係遲兩日啫」。


啟晴邨爆出鉛水事件，九西幾個女將都瞓身跟進，但公民黨毛孟靜就比較低調，噚日亦無同黨一齊去示威，Emily問過Miss Mo，佢就話事件發生後公民黨出過幾次新聞稿，希望喺政策層面跟進。佢又話自己亦都落過區派水，仲話太多居民大會會令市民恐慌，公眾知情權重要，但都要平衡吓利弊，「唔係同人比賽」咁話。


（公民黨facebook圖片）