維達搵model試紙巾婚紗

【明報專訊】紙巾都可以整成婚紗，仲可以著上身？你唔係睇錯，皆因紙巾股維達（3331）噚日話，今個星期五中期業績會上，將會搵真人model示範佢哋用紙製嘅婚紗，相信一眾記者包括埋攝記都好期待。事實上，維達唔係第一次用紙巾整緍紗，上年嘅業績會都有show過紙製婚紗，不過就只係個小模型，但嗰時已吸引咗唔少攝記圍埋去影㗎。


紙製婚紗著上身，係咪真係咁堅韌小琴真係唔知，但在香港就應該無試過喇。翻查番資料，幾年前係深圳，維達都有搵過啲靚女著佢哋嘅紙製婚紗，當時吸引咗唔少市民圍觀，不過今次在香港，公眾雖然無緣親身一睹維達嘅紙巾婚紗，但小琴將會全程追蹤，睇吓有冇機會在現場做下測試，又或者問吓維達攞唔攞出嚟賣，等過幾日再同大家揭曉！


[小琴密語]