春秋航空 英文名夠特別！

【明報專訊】日前，內地首家廉航春秋航空，以超優惠價229港元，賣香港飛上海嘅機票，實在令人流晒口水。小琴原本都唔係好認識呢間公司，近日開始上佢哋個網站搵廉價機票，無意中發現公司個英文簡稱好特別，叫做china-sss，仲大大隻字印喺飛機身上。呢個名望落似「china ass」，美國人最鍾意講嘅「ass」，最簡單理解做屁股，也有笨蛋嘅意思。此字有大量組合，意思千變萬化，但係當中唔少都係較負面同粗俗。點解會有連續3個S？

小琴翻查公司網站介紹，春秋航空嘅母公司英文名稱係「Shanghai Spring International Travel Service Co, Ltd.」，小琴估計，「SSS」可能係此英文名稱嘅簡寫，可能係小琴諗多咗啦。