調景嶺圖書館周四啟用

【明報專訊】西貢居民等咗咁耐，調景嶺公共圖書館終於喺後日（9號）正式啟用，市民之前只可以用自修室及報刊閱覽室，家終於可以用埋其他設施。其實，調景嶺公共圖書館只係耗資超過7億嘅「將軍澳第74區（調景嶺）地區休憩用地、體育館及圖書館」計劃中，其中一個項目，整個計劃仲有健身室未建成。


西貢區議員陳繼偉話雖然自修室反應唔錯，但設施自今年3月分階段開放後，共接咗近100宗市民投訴，主要針對體育館及兒童遊戲室設施和管理問題，包括兒童遊戲室管理不善，以致常出現「爭櫈仔」嘅插隊情况，逃生指示牌出錯及人手不足等。


不過噚日佢睇完圖書館就話，可能汲取過之前教訓，圖書館嘅設施有明顯改善。