新聞類別
財經
詳情#
【蘋果日報】5月份大市走勢令市場跌眼鏡，早前試過一段連升六日，算係有交代啦，但大家仍執着一些大數據未見轉好，所以斷定為乾升挾淡倉。某程度上青冰認同，現時的氣氛仍一般，但有時大數據的細節，更值得去發掘賺錢機會。大數據者，主要講緊成交額及北水流入量，現時成交額比起年初千五億，真係十分奀豬，但如果你看仔細一點，可能有些不同的體會。
大家應該記得去年底及今年初，騰訊（700）及平保（2318）係幾咁瘋狂，兩隻正股每日成交額加埋逾200億，兩者的輪證都係熱炒，加埋恒指國指，輪證成交額每日貢獻300億。反觀依家呢，騰訊及平保從高位回落分別15%及20%，即使量不變，價格下跌15%，金額一定下降吧，蟹民多咗咁多，又冇盈利在手，炒輪證自然大減啦，輪證成交經常200億不到。換句話說，幾隻龍頭股的弱勢，係成交急跌的來源，所以如果你只會炒龍頭股，沒錯，近期的市況真係乾升。
而北水的淨流入大幅減少，係好顯著，睇番12月至3月的淨流入金額，分別是304億，765億，321億及105億，4月份更是流流出81億，就咁睇就知不妙。指數回落，大媽不單止冇撈底，仲走去沽，唔知係咪同資管新規有關呢。但當青冰拆開上海及深圳兩個數字看，就會發現，深圳那邊是連續5個月淨流入，似乎走資都係走大價股。
如果你不幸地在1月29日，亦即恒指見頂日入市，現時很大機會仍未見家鄉，不過青冰用彭博機篩選過，原來比那天收市價高10%的，主板仍有306隻。如果再苛刻啲，高20%的，都有197隻，不過當中市值大於200億的，就只有27隻，也印證了資金炒細唔炒大，行業主要集中於本地及國內零售股、醫藥股及教育股。成日聽人講後市要睇資金流向，有時候一些公開的數據，已經講咗畀你知資金點走，只是你有冇做功課去搵同去跟買而已。
青冰
http://fb.com/chingbing888
本欄逢周四刊出
大家應該記得去年底及今年初，騰訊（700）及平保（2318）係幾咁瘋狂，兩隻正股每日成交額加埋逾200億，兩者的輪證都係熱炒，加埋恒指國指，輪證成交額每日貢獻300億。反觀依家呢，騰訊及平保從高位回落分別15%及20%，即使量不變，價格下跌15%，金額一定下降吧，蟹民多咗咁多，又冇盈利在手，炒輪證自然大減啦，輪證成交經常200億不到。換句話說，幾隻龍頭股的弱勢，係成交急跌的來源，所以如果你只會炒龍頭股，沒錯，近期的市況真係乾升。
而北水的淨流入大幅減少，係好顯著，睇番12月至3月的淨流入金額，分別是304億，765億，321億及105億，4月份更是流流出81億，就咁睇就知不妙。指數回落，大媽不單止冇撈底，仲走去沽，唔知係咪同資管新規有關呢。但當青冰拆開上海及深圳兩個數字看，就會發現，深圳那邊是連續5個月淨流入，似乎走資都係走大價股。
如果你不幸地在1月29日，亦即恒指見頂日入市，現時很大機會仍未見家鄉，不過青冰用彭博機篩選過，原來比那天收市價高10%的，主板仍有306隻。如果再苛刻啲，高20%的，都有197隻，不過當中市值大於200億的，就只有27隻，也印證了資金炒細唔炒大，行業主要集中於本地及國內零售股、醫藥股及教育股。成日聽人講後市要睇資金流向，有時候一些公開的數據，已經講咗畀你知資金點走，只是你有冇做功課去搵同去跟買而已。
青冰
http://fb.com/chingbing888
本欄逢周四刊出
回應 (0)
