新聞類別
財經
詳情#
【蘋果日報】動輒說公關災難好像有些濫，但有時看到某些行家開口夾着脷的搞笑位，確係忍唔住share畀同事仔當反面教材。
冇人會反對「準確性」乃新聞頭號原則，你公關自命記者最佳戰友，又點能夠甩漏是但。
但現實是，不止一次聽過記者行家圍埋一齊恥笑某些單位，話他們公司media list十年唔update，有行家離職近八年，仍然每天有多個採訪邀請send去佢賬戶，哈哈哈，八年，人家公都轉咗兩份，out到咁，學乜人搞「公共關係」。
又有編輯行家爆料，不時收到公關傳來的採訪邀請，抬頭無問題，確是佢個名，但sell完一大輪之後，內文就寫到「誠邀乜乜日報派員採訪」，而乜乜竟是她的「友報」，而非佢公司，編輯睇完啼笑皆非。Mary多咀，獻計曰：不如答佢「乜乜日報有無人來我未知，不過本報就抱歉未能出席了。」其實，呢間公司有啲攞苦來辛，你寫「誠邀貴機構出席」咪算囉，做乜要tailor made呢？
又有一種公關叻唔切，未摸清個別人傳媒或專欄作家個性就扮friend，第一次約人食飯就講定「希望之後在專欄幫手宣傳吓」，嘩，Mary咁啱路過聽到，該位作家立即起槓，碼塊面話，咁你不用約我了！尷尬到呢。
坦白說，人間好多好事，都得靠心神領會、大家識做、互相畀面，才能玉成其事，這種人情世故，乃行走江湖必備武器，公關怎能不懂。
彭瑪莉
marypang2015@gmail.com
冇人會反對「準確性」乃新聞頭號原則，你公關自命記者最佳戰友，又點能夠甩漏是但。
但現實是，不止一次聽過記者行家圍埋一齊恥笑某些單位，話他們公司media list十年唔update，有行家離職近八年，仍然每天有多個採訪邀請send去佢賬戶，哈哈哈，八年，人家公都轉咗兩份，out到咁，學乜人搞「公共關係」。
又有編輯行家爆料，不時收到公關傳來的採訪邀請，抬頭無問題，確是佢個名，但sell完一大輪之後，內文就寫到「誠邀乜乜日報派員採訪」，而乜乜竟是她的「友報」，而非佢公司，編輯睇完啼笑皆非。Mary多咀，獻計曰：不如答佢「乜乜日報有無人來我未知，不過本報就抱歉未能出席了。」其實，呢間公司有啲攞苦來辛，你寫「誠邀貴機構出席」咪算囉，做乜要tailor made呢？
又有一種公關叻唔切，未摸清個別人傳媒或專欄作家個性就扮friend，第一次約人食飯就講定「希望之後在專欄幫手宣傳吓」，嘩，Mary咁啱路過聽到，該位作家立即起槓，碼塊面話，咁你不用約我了！尷尬到呢。
坦白說，人間好多好事，都得靠心神領會、大家識做、互相畀面，才能玉成其事，這種人情世故，乃行走江湖必備武器，公關怎能不懂。
彭瑪莉
marypang2015@gmail.com
回應 (0)
