「紫嫣」南下 擬九展搞演唱會

【明報專訊】內地動漫股華夏動漫（1566）喺2月就已經喺深圳搞咗場虛擬偶像「山寨初音」，呀唔係，「紫嫣」嘅演唱會，觀眾有成7000人咁多，華夏動漫主席庄向松噚日就話，紫嫣計劃南下轉戰香港，希望9月至10月間喺九展搞番場演唱會，先用一場試下水溫，預計觀眾有2000至5000人。


佢仲透露，紫嫣計劃推出動畫片集，預計出年上半年就會推出，日本都會播映，背景係紫嫣由外星來到香港，仲會同來自其他星球嘅憨八龜一齊，「通常女主角身邊都會有隻得意嘅公仔㗎嘛！」

另外，佢話公司同一間虛擬眼鏡公司合作開發虛擬眼鏡，公司就負責市場推廣，其中主力嘅第二代眼鏡像素係2560×1440，主要做B2B，預計畀十幾歲嘅青年玩。


[小琴密語]