新聞類別
財經
詳情#
【明報專訊】執筆之時，「事先張揚」的政改諮詢方案終於出籠，沒有驚喜，也沒有更多驚嚇，恒指無乜刺激，但成交繼續火旺，半日已過千億。復活節之後，港股每日成交量幾乎都有近兩千億，係平日嘅兩至三倍，呢個「新常態」不禁令人想起2007年嘅大牛市，再想起後來嘅金融海嘯。無綫呢個時候重播《大時代》，配合埋家下嘅政治氣氛，Fit晒，筆者支持不要放深宵時段，改放黃金時間，收視一定高過無厘頭新劇。
昔日荒謬事 今日變家常便飯
當年睇《大時代》，戲劇效果太強，感覺超現實，就算見到方家家破人亡，都只係當戲睇。今天睇重播，一想起之後嘅故事，竟然有啲唔忍心睇落去，因為覺得個故事太過真實！23年前看似荒謬的事情，今天變成家常便飯，唏噓！
講吓政改。方案出籠，大家自然會糾結於應否「袋住先」。筆者就想，假如今天香港才回歸中國，又會是怎樣的境况？當英國也笑着加入亞投行（AIIB），今日的中國收回香港，還需要「一國兩制」緩衝？成年人一般相信政治現實主義。香港沒有主權，是現實；香港特首須得到中央任命，也是現實；當共產黨說沒有討價還價餘地，8．31框架不能撼動，泛民仍說會堅決否決方案，直到人大收回成命先有得傾，那就爭取普選至2047吧。
無討價還價餘地 爭普選至2047
按目前方案，提名委員會由1200人組成，取得120人「推薦」便可入閘，即最多有10人入閘；以泛民過往在選委會的比例，估計可爭取兩席；入閘後，提委最多可支持所有參選人，亦可支持部分參選人。
2012年唐梁之爭最可悲之處，是即使建制派選委不滿梁振英，想策劃投白票也不行，因為簡單多數制，易被秋後算帳，結果梁以689票當選；今次的提委投票，可多次投暗票，委員可較隨心所欲一點。在689人中，找89個不投梁的，就可以把他踢出局，用這個角度去改變香港，實踐的難度會否低一點？
近日最吸引筆者眼球嘅新聞，肯定係又有財團走出嚟話要申請免費電視牌，牽頭人仲要係一度傳出會收購亞視嘅邱達根。筆者始終無法明白，既然有計劃攞32億出嚟搞電視，點解半個月前又唔買亞視？筆者想到嘅理由只有一個，就係唔想益王征！
有錢搞電視無錢買亞視 唔想益王征
仔細睇下財團背景，幾乎可以肯定呢個組合會得到阿爺Blessing，要向政府申請牌照，應該不會如王維基困難，而王維基申請牌照嘅難度，就肯定因為多出呢個對手而大大提高。筆者最想知道，究竟呢個財團係幾時想搞免費電視？到底係一早有idea，還是亞視被除牌之後？如果係之後，究竟呢盤生意是否有政治含意，甚至北面授意，純粹為頂上亞視，做另一個河蟹台？講真，愈想愈驚。
的確，這是大時代。
[應正亮 廿四味]
昔日荒謬事 今日變家常便飯
當年睇《大時代》，戲劇效果太強，感覺超現實，就算見到方家家破人亡，都只係當戲睇。今天睇重播，一想起之後嘅故事，竟然有啲唔忍心睇落去，因為覺得個故事太過真實！23年前看似荒謬的事情，今天變成家常便飯，唏噓！
講吓政改。方案出籠，大家自然會糾結於應否「袋住先」。筆者就想，假如今天香港才回歸中國，又會是怎樣的境况？當英國也笑着加入亞投行（AIIB），今日的中國收回香港，還需要「一國兩制」緩衝？成年人一般相信政治現實主義。香港沒有主權，是現實；香港特首須得到中央任命，也是現實；當共產黨說沒有討價還價餘地，8．31框架不能撼動，泛民仍說會堅決否決方案，直到人大收回成命先有得傾，那就爭取普選至2047吧。
無討價還價餘地 爭普選至2047
按目前方案，提名委員會由1200人組成，取得120人「推薦」便可入閘，即最多有10人入閘；以泛民過往在選委會的比例，估計可爭取兩席；入閘後，提委最多可支持所有參選人，亦可支持部分參選人。
2012年唐梁之爭最可悲之處，是即使建制派選委不滿梁振英，想策劃投白票也不行，因為簡單多數制，易被秋後算帳，結果梁以689票當選；今次的提委投票，可多次投暗票，委員可較隨心所欲一點。在689人中，找89個不投梁的，就可以把他踢出局，用這個角度去改變香港，實踐的難度會否低一點？
近日最吸引筆者眼球嘅新聞，肯定係又有財團走出嚟話要申請免費電視牌，牽頭人仲要係一度傳出會收購亞視嘅邱達根。筆者始終無法明白，既然有計劃攞32億出嚟搞電視，點解半個月前又唔買亞視？筆者想到嘅理由只有一個，就係唔想益王征！
有錢搞電視無錢買亞視 唔想益王征
仔細睇下財團背景，幾乎可以肯定呢個組合會得到阿爺Blessing，要向政府申請牌照，應該不會如王維基困難，而王維基申請牌照嘅難度，就肯定因為多出呢個對手而大大提高。筆者最想知道，究竟呢個財團係幾時想搞免費電視？到底係一早有idea，還是亞視被除牌之後？如果係之後，究竟呢盤生意是否有政治含意，甚至北面授意，純粹為頂上亞視，做另一個河蟹台？講真，愈想愈驚。
的確，這是大時代。
[應正亮 廿四味]
回應 (0)
