六四遊行終點改中聯辦

【明報專訊】支聯會每年六四晚會前嘅一個星期日都會辦遊行，由維園行去政府總部，不過，今年遊行路線會有改變，支聯會常委趙恩來透露，今年遊行會改由灣仔修頓球場出發到中聯辦，象徵直接向中央表達平反六四嘅訴求，而今年六四主題係「全民團結爭民主！平反六四一起撐！」。


近來本土論述討論熱烈，唔少大學生認為支聯會紀念六四嘅方式流於形式化，有意見更認為學聯應該退出支聯會。學聯秘書長羅冠聰早前接受訪問時都話，如果各院校有共識，退出支聯會係可行嘅。


趙恩來覺得即使學聯真係會退出支聯會，影響應不大，認為大專學界會繼續喺校內以其他方式宣揚平反六四。趙恩來又話，好多內地人來港參加六四晚會，籌款箱亦愈來愈多人民幣，笑言話唔定有一日人民幣會多過港幣捐款。