新聞類別
副刊
詳情#
【明報專訊】替子女報讀小一，考慮是否搬屋轉校網，可說是人生交叉點般的重大抉擇。有足夠經濟能力的家長，手執兩三個地址，甚至全港各區「任揀」大有人在，對家長而言，多選擇就多煩惱。以下真實個案，又是多少家長的寫照呢﹖to be or not to be。
早已不分英中、中中
家住沙田的X先生（因相熟，所以對話毫不客氣），兒子經過一輪直資、私立「連番挫敗」後，只能寄望「統一大抽獎」。考慮到小一的同時，更希望一勞永逸鋪排孩子升中，我倆對答如下﹕
Ｘ﹕老實講，沙田有什麼出名的小學及中學。最理想是英中一條龍，抽中就以後唔使煩完又煩。
我﹕你認識的所謂英中，就是說N年前母語教學推行時，分出來那批傳統英中嗎？沙田區，無。
Ｘ﹕點解無？
我﹕係無就無，全港資助學校一條龍「傳統英中」，只有天神嘉諾撒學校、嘉諾撒聖瑪利學校，一條龍駁嘉諾撒聖瑪利書院。那間是女校，未必適合你兒子，唔好勉強報名。
Ｘ﹕沙田區學校質素點？英中數目多嗎？
我﹕教學語言政策微調後，學校再不是「非英即中」的二分法，也有中、英混合，例如每級5班之中，或有3班英文班，當然也有全英或全中。沙田區只有「英中或中中」二分法的年代，已是英中密集的高質素校網，即使中中之中也有不少高水平的學校。
Ｘ﹕我名校出身，地區學校唔識，成績同傳統名校比較如何？
地區名校成績唔輸老牌學府
我﹕不少地區名校，成績絕不輸蝕給老牌名校，地區名校年年都有公開試狀元。不過老牌名校那種﹕自信、精神、團結、校友網絡，是無法替代的。
Ｘ﹕我有個地址在中西區，老老實實，我淨識英皇、皇仁、聖若瑟，沙田係好，但我始終唔報呢啲學校唔甘心。咁我應搬去中西區，還是升中時才搬？
我﹕中學派位不是跟住址，而是根據就讀小學的位置。小學校網分得很細，一個中學所屬的區域已包括多個小學校網。要部署，生活水平又無下降，早搬早着啦，否則日後無報心儀學校又會後悔。
Ｘ﹕生活水平有下降，始終居住的地方會縮水，但為咗個仔，無辦法。
唔係叫英皇就係有聯繫
我﹕剛有另一朋友也問我有關英皇書院，我都一樣咁答。間學校對正港大，學生都自信心十足，要過對面返學。不過，你個地址屬11校網，想報的英皇書院同學會小學或者英皇書院同學會小學第二校，與你心愛的英皇書院絕無一條龍、直屬、聯繫等等關係。11校網，與英皇書院有聯繫的是般咸道官立小學、李陞小學，但同樣小一學位相當少。若只是統一派位階段去抽獎，機會很微。
Ｘ﹕好的，那我再考慮，但不報名校還是不甘心的，其實一早決定會搬
的。
我﹕那你問我沙田區做乜？
Ｘ﹕因為朋友問你，你唔收錢。
我﹕……
作者簡介﹕明報前教育新聞組長，育有一子一女，從新聞前線真正跳入教育大洪流
文﹕梁永樂@八爪魚家長
早已不分英中、中中
家住沙田的X先生（因相熟，所以對話毫不客氣），兒子經過一輪直資、私立「連番挫敗」後，只能寄望「統一大抽獎」。考慮到小一的同時，更希望一勞永逸鋪排孩子升中，我倆對答如下﹕
Ｘ﹕老實講，沙田有什麼出名的小學及中學。最理想是英中一條龍，抽中就以後唔使煩完又煩。
我﹕你認識的所謂英中，就是說N年前母語教學推行時，分出來那批傳統英中嗎？沙田區，無。
Ｘ﹕點解無？
我﹕係無就無，全港資助學校一條龍「傳統英中」，只有天神嘉諾撒學校、嘉諾撒聖瑪利學校，一條龍駁嘉諾撒聖瑪利書院。那間是女校，未必適合你兒子，唔好勉強報名。
Ｘ﹕沙田區學校質素點？英中數目多嗎？
我﹕教學語言政策微調後，學校再不是「非英即中」的二分法，也有中、英混合，例如每級5班之中，或有3班英文班，當然也有全英或全中。沙田區只有「英中或中中」二分法的年代，已是英中密集的高質素校網，即使中中之中也有不少高水平的學校。
Ｘ﹕我名校出身，地區學校唔識，成績同傳統名校比較如何？
地區名校成績唔輸老牌學府
我﹕不少地區名校，成績絕不輸蝕給老牌名校，地區名校年年都有公開試狀元。不過老牌名校那種﹕自信、精神、團結、校友網絡，是無法替代的。
Ｘ﹕我有個地址在中西區，老老實實，我淨識英皇、皇仁、聖若瑟，沙田係好，但我始終唔報呢啲學校唔甘心。咁我應搬去中西區，還是升中時才搬？
我﹕中學派位不是跟住址，而是根據就讀小學的位置。小學校網分得很細，一個中學所屬的區域已包括多個小學校網。要部署，生活水平又無下降，早搬早着啦，否則日後無報心儀學校又會後悔。
Ｘ﹕生活水平有下降，始終居住的地方會縮水，但為咗個仔，無辦法。
唔係叫英皇就係有聯繫
我﹕剛有另一朋友也問我有關英皇書院，我都一樣咁答。間學校對正港大，學生都自信心十足，要過對面返學。不過，你個地址屬11校網，想報的英皇書院同學會小學或者英皇書院同學會小學第二校，與你心愛的英皇書院絕無一條龍、直屬、聯繫等等關係。11校網，與英皇書院有聯繫的是般咸道官立小學、李陞小學，但同樣小一學位相當少。若只是統一派位階段去抽獎，機會很微。
Ｘ﹕好的，那我再考慮，但不報名校還是不甘心的，其實一早決定會搬
的。
我﹕那你問我沙田區做乜？
Ｘ﹕因為朋友問你，你唔收錢。
我﹕……
作者簡介﹕明報前教育新聞組長，育有一子一女，從新聞前線真正跳入教育大洪流
文﹕梁永樂@八爪魚家長
回應 (0)
