《議事論事》30年 堂邊鶴畫贈曾鈺成

【明報專訊】香港電台節目《議事論事》明年踏入30周年，噚日立法會主席曾鈺成出席《議事論事》錄影時，獲主持李鵬飛（飛哥）送贈一幅全體立法會議員同《議事論事》「『堂』邊鶴」合照嘅畫。曾主席笑言明年有可能要同立法會「講拜拜」，因為如果佢喺政改表決時投票，就要守承諾辭職，飛哥就大笑話「你嗰票無人要」。


當立會主席 稱兩面不討好

飛哥喺節目上問曾主席，2016年唔會再出選立法會，會否可能更上一層樓選特首？因為有人話「曾鈺成係各方都可接受（人選）」，但曾主席笑言情况「啱啱相反」，話自從當上立法會主席，建制派同民建聯嘅同事都認為佢為咗保持公平公正而偏幫泛民，又指每次就政改發表評論時，「建制派話我離經叛道，支持泛民嘅人就話『唔好信呢條友仔』」。