新聞類別
副刊
詳情#
【明報專訊】中文大學上月起舉辦一年一度「博群花節」活動，喺校園設立4個園景裝置，包括喺未圓湖嘅水中月「月船」。但最近呢隻月船就惹嚟爭議，原來俄羅斯藝術家Leonid Tishkov一早設計過一系列叫Private Moon嘅藝術品，其中一個造型同中大「水中月」非常相似。著名博客「小奧私陸」噚日質疑花節「依樣畫葫蘆」，仲親自去信Leonid Tishkov問個究竟。
Leonid Tishkov回覆話，一年前收過建議，希望喺香港展出佢個月亮，但最終無成事；香港嘅「水中月」由邊個創作，佢唔清楚，但Leonid Tishkov認為，如果有人受佢影響，而月亮又變成真正嘅民間藝術，有乜唔好？
主辦單位：從未參考相關作品
「博群大講堂」就喺facebook回應，話設計係以校園原有景物同花節理念做出發點，過程中從未觸及或者參考Leonid Tishkov嘅作品Private Moon。佢哋1月與設計師開第一次工作會議，敲定4個園景裝置，裝置包括獅子亭嘅「鏡中花」等。
「博群大講堂」解釋，今次4個裝置，意念源自人生中或有各種未遂之志、未竟之功，就好似鏡花水月咁，但困頓中亦都唔應該忘記以藝術滋養生命。呢個船上嘅新月正係代表未滿、未圓之境。
有網民話，早於2004年，內地導演張藝謀嘅大型山水實景表演《印象．劉三姐》就出現過類似嘅月船裝置，唔通真係「千里共嬋娟」，月有相似？
Leonid Tishkov回覆話，一年前收過建議，希望喺香港展出佢個月亮，但最終無成事；香港嘅「水中月」由邊個創作，佢唔清楚，但Leonid Tishkov認為，如果有人受佢影響，而月亮又變成真正嘅民間藝術，有乜唔好？
主辦單位：從未參考相關作品
「博群大講堂」就喺facebook回應，話設計係以校園原有景物同花節理念做出發點，過程中從未觸及或者參考Leonid Tishkov嘅作品Private Moon。佢哋1月與設計師開第一次工作會議，敲定4個園景裝置，裝置包括獅子亭嘅「鏡中花」等。
「博群大講堂」解釋，今次4個裝置，意念源自人生中或有各種未遂之志、未竟之功，就好似鏡花水月咁，但困頓中亦都唔應該忘記以藝術滋養生命。呢個船上嘅新月正係代表未滿、未圓之境。
有網民話，早於2004年，內地導演張藝謀嘅大型山水實景表演《印象．劉三姐》就出現過類似嘅月船裝置，唔通真係「千里共嬋娟」，月有相似？
回應 (0)
