新聞類別
副刊
詳情#
【明報專訊】中學文憑試又開鑼喇，應屆考生少不免會緊張，但緊張的又點止考生呢？Happy Mama最近與學友社學生輔導中心副總幹事吳寶城傾過，原來唔少家長都係緊張大師，學友社輔導熱線就經常收到家長來電。他表示，不少青少年於求助電話中都反映家長係壓力來源之一。尤其青少年的情緒在應考公開試時係最敏感，所以家長都要份外小心自己的言行，以免影響子女情緒。佢認為以下四類說話，家長都應該避免講：
一、期望型
「你要努力考試，考唔到大學，你就咩前途都無喇。」
現時香港學生的升學途徑愈來愈多，家長不宜把「入大學才等於有前途」的想法強加於子女身上，令其感到壓力。
二、追究型
「一早叫你做多啲past paper啦。」
家長不宜在此段時間追究子女之前的備試態度，於事無補之外，亦會令子女情緒受困。
三、比較型
「你睇下表哥，人哋三月已經做晒咁多年啲past paper喇。」
比較只會傷害青少年的自尊，家長要小心處理。
四、唯考試表現型
「你今日考成點呀？考得好唔好呀？答唔答得晒呀……」
家長關心子女考試表現無可厚非，但如果只關心子女的考試情况，可能會令子女反感。家長可多關心子女身體、情緒等，例如問﹕「你今日攰唔攰呀？」
短訊慰問 給予空間
吳寶城又話，青少年最需要的就是空間，所以家長在子女應考公開試期間表達關心都要適可而止。家長可考慮以字條、手機短訊的形式表達關心，待子女有空間調整自己後才回覆。
所謂條條大路通羅馬，整個人生的成敗唔係一次考試就可以斷定，家長同應屆考生都唔好過分緊張呀！
一、期望型
「你要努力考試，考唔到大學，你就咩前途都無喇。」
現時香港學生的升學途徑愈來愈多，家長不宜把「入大學才等於有前途」的想法強加於子女身上，令其感到壓力。
二、追究型
「一早叫你做多啲past paper啦。」
家長不宜在此段時間追究子女之前的備試態度，於事無補之外，亦會令子女情緒受困。
三、比較型
「你睇下表哥，人哋三月已經做晒咁多年啲past paper喇。」
比較只會傷害青少年的自尊，家長要小心處理。
四、唯考試表現型
「你今日考成點呀？考得好唔好呀？答唔答得晒呀……」
家長關心子女考試表現無可厚非，但如果只關心子女的考試情况，可能會令子女反感。家長可多關心子女身體、情緒等，例如問﹕「你今日攰唔攰呀？」
短訊慰問 給予空間
吳寶城又話，青少年最需要的就是空間，所以家長在子女應考公開試期間表達關心都要適可而止。家長可考慮以字條、手機短訊的形式表達關心，待子女有空間調整自己後才回覆。
所謂條條大路通羅馬，整個人生的成敗唔係一次考試就可以斷定，家長同應屆考生都唔好過分緊張呀！
回應 (0)
