騰訊遷冊南極 阿里上太空

騰訊（0700）學埋長和（0001）搞遷冊，噚日喺官方微博度話，一於回歸「祖國」，喺2017年將啲數據中心搬去南極，2019年仲會有南極新總部「帝企鵝大廈」，入面會準備養企鵝，同埋防範企鵝天敵之一海狗。之不過，今次搬到南極個消息，市場睇嚟唔多受落，噚日個股價無乜點升。


咁梗係啦，愚人節講呢啲，係人都當係假㗎啦，唔少科網企業都好似騰訊咁，噚日同大家講下笑。不過騰訊都唔算誇，阿里巴巴直頭話要遷冊上太空，惡搞話邀請用戶加入「Matrix+」計劃，集合全球手機造成超級運算網絡，齊齊向太空出發搵外星人。其他科網巨企如Google、百度等都趁住節日玩埋一份，Google仲好有心機整咗個Google Map食鬼遊戲，畀大家玩番陣