Let it Go唱旺 迪士尼人均消費新高

【明報專訊】迪士尼動畫《魔雪奇緣》（Frozen）風靡全球，香港迪士尼樂園相關商品大賣，上個月推出新短片《魔雪奇緣：發燒狂熱》後，成個系列產品營業額兩星期內增加超過一成。香港迪士尼樂園商品總監郭正善（Jim Greene）話，Frozen、Tsum Tsum系列帶動商品銷售，舊年10月至今年3月，商品部人均消費按年增約3%，創樂園新高。


唔肯講入場人次

香港迪士尼唔肯講入場人次，Jim話商品部人均消費創新高，Frozen、Tsum Tsum及Duffy Shelliemay尤其受歡迎，加上來年都有新產品，相信可以維持。迪士尼今年會去東南亞宣傳，仲作埋曲去菲律賓宣傳。


Jim話舊年加密換新貨，商品更新比率由過去5年約40%增至舊年嘅50%。佢話國際旅客非經常入場，但本地客會定期入場，更需要為佢哋「帶來新嘢」。而Frozen商品大賣，舊年6月到家推出逾100項產品，佔商品銷售總營業額8％至11%，主題服裝特別受歡迎，舊年每星期平均賣530件，當中約七成係主角Elsa。


Jim話初期低估咗Frozen受歡迎程度，至於點解受歡迎，佢認為劇情有別過往王子公主嘅故事，其主題曲Let it Go亦唱到街知巷聞，第時評估動畫流行程度，要考慮音樂元素。