10揀1 「普選」最愛歷史照片

【明報專訊】講政改公投梗係有爭議，但政府有唔少嘢都聽民意，畀人民當家作主嘅。位於尖沙嘴嘅香港歷史博物館噚日起至6月1日，會舉行「歲月留影歷史照片展覽」，畀公眾從展出嘅10幅歷史照片中選出最喜愛嘅一張。


呢次「普選」，大家可以上網或者親身去博物館參觀時投票，但至於點樣「篩選」出呢10張候選作品呢，當局就講唔到，話活動協辦單位夢周文教基金會，捐出大量歷史圖片，由一班專家揀出優秀作品畀大家投票喎。呢10張歷史照片橫跨60年，捕捉咗香港發展概况，或會勾起大家一啲回憶。大家可以瀏覽網頁www.hkpsd.org喺網上投票，投票結果將於7月公布。