李偲嫣遞信舉報《熱血周刊》

【明報專訊】正義聯盟召集人李偲嫣（右一）噚日一早帶同20人，去到「電影、報刊及物品管理辦事處」遞信，話要舉報「熱血公民」出版嘅《熱血少年周刊》同《黨娘》內容色情不雅。李偲嫣話啲周刊「刻意賣弄一啲……唔一定係露點，而係誇張胸部，個個女性人物喺本書度都露內褲……仲有粗口」。在場人士高呼「熱血公民！侮辱女性！淫亂暴民！」嘅口號，希望當局嚴查。


《熱血少年周刊》喺facebook回應，話今次李偲嫣去投訴明顯係一種政治打壓，亦係對出版自由嘅干預，表明面對打壓，當然無畏無懼。


（郭慶輝攝）