一田CEO出書 手機寫7.5萬字

【明報專訊】打咗14份工嘅一田百貨CEO莊偉忠呢排又搞起副業，做作家出咗本新書叫《不開會的CEO》，不僅大談管理之道，更把一田起死回生的原因歸結為：不開會、不裁員、不Set Target。呢個理念打工仔聽來就最開心，唔怪之第一版3000本書兩個星期就全部賣完。


莊偉忠昨日同傳媒聊天就透露，原來同好多傳媒行家一樣，他都是「手機打稿」，成7萬多字嘅文全部都係他一詞一句喺手機度打嘅，忙都會隨時抽空寫，寫到「苦不堪言」，仲稱唔見咗手機會好大鑊。成本書他打咗成3個半月，不過，在出版界應該都算幾快手。


出版商對銷量就好滿意，話做咗誠品經濟類暢銷書第一位，仲要再印2000到4000本。不過，再問莊偉忠會不會繼續出第二本，他就笑稱，寫完第一本都係「驚魂甫定」，呢個階段真係不好講。


[小琴密語 email: piano@mingpao.com]