料每年百萬 田二少捐膠袋費

【明報專訊】聽日（4月1日）起，膠袋收費全面喺所有零售店舖推行，到時除咗獲豁免情况外，零售店舖唔可以免費派發膠袋畀顧客，每個膠袋最少收5毫。新民黨田北辰（圖）嘅服裝連鎖店G2000計一計數，預計每年有100萬蚊「環保之財」，但想取諸環保用諸環保，「田二少」決定幫吓年輕學者，將膠袋收費所得全數捐贈畀大學推動環保物料研究。


田二少希望研究出成本與膠袋相若、但符合環保署環保標準嘅物料，令全世界可放心使用。至於資助邊間本地大學就未有決定，因為未知邊間大學喺環保物料領域最權威，更重要係選間學校最着重培育青年研究員嘅。


（受訪者提供）