新社聯榮譽會長 李連生病逝

【明報專訊】做過5屆港區全國人大代表嘅新界社團聯會榮譽會長李連生（圖），噚日朝早因病去世，享年78歲，唔少新社聯嘅後生一輩，噚日都喺facebook寫住「RIP」（安息）悼念李連生。可能大家未必認得李連生係邊個，但其實佢1980年代做過基本法諮詢委員會委員，其後又擔任香港新機場及有關工程諮詢委員會委員、特區籌委會成員、港事顧問等，1998年特區政府就向李連生頒授銅紫荊星章表揚佢。


有關方面將會成立治喪委員會，協助李連生家人辦理後事，喪禮安排稍後公布。