立會提早散場 議員慰妻湊孫

【明報專訊】立法會早前通過以後星期三開大會時，休會時間由晚上10點提早至8點，當日都算好大比數支持，呢個措施噚日正式實行，除咗令立法會慳番啲電費、人力物力外，亦令議員多咗兩個鐘用，噚日唔少議員都話，早咗散會會返屋企食飯。


工黨李卓人話，噚日都特登返屋企同太太食飯，但佢話自己未必每個星期三晚都有家庭日，因為早咗散會，都可能要用嚟開其他工作會議。


經民聯主席梁君彥就話，多咗時間當然係返屋企湊孫，同佢玩吓遊戲啦！至於工聯會王國興就工作為上，佢話過去星期三晚都唔敢行開以免流會，所以都唔會安排其他活動，但噚晚就可以出席一個書法協會嘅團拜活動，佢話以前出席唔到，家多咗兩個鐘，佢出席活動亦遲到好過無到。