《基本法》25年 推紀念郵票

【明報專訊】「一國兩制」、「高度自治」係近日嘅熱門話題，適逢今年4月4日係《基本法》頒布25周年，香港郵政宣布推出紀念郵票，話要展示國家同特區嘅緊密關係，同寓意《基本法》為香港嘅安定繁榮奠下基礎。根據介紹，紀念郵票一套4枚（圖），除咗回歸紀念塔、深圳灣公路大橋，仲有政總同各級法官手持《基本法》嘅插畫，相當考Emily眼力。各郵政局今日起發售首日封，每個1.2元，郵票等各類集郵品就要等到4月2日先有得買。另外，市民今日起至3月25日亦可預約自備封蓋銷服務。