新聞類別
副刊
詳情#
【明報專訊】呢幾日Happy Mama收到個媽咪friend轉發畀我個msg，嚇到O咗嘴。有某機構搞咗個升小攻略分享會，索價位位三百。嘩！升學資訊真係有價有市。其實網絡上都有唔少免費而且信得過的官方資訊，助家長籌備升小，例如教育局早前公布的《小一入學報告書2014》。
Happy Mama同本刊升學專欄作家梁永樂傾過，佢喺今期專欄就會詳細分析如何利用報告書的數據，計算入到心儀小學的勝算。當然，Happy Mama為咗天下父母，再出力請梁永樂呢位明報前教育新聞組長講多啲。佢分享咗以下3點﹕
首先，教育局公布了由統一派位截止日期至8月31日期間，共有222名申請學童因遷居而獲當局在新居住地區的校網安排小一學位，反映有部分家長在放榜後遷居，而佢哋嘅小朋友就喺新校網入學。當然梁永樂咁講並唔係鼓勵家長為博入心儀學校而在放榜後先遷居，家長宜自行考慮清楚當中利弊。
愈來愈多家長關心特殊學習需要（SEN）學生的情况。根據報告書，去年有1273名申請小一派位的學童表示自己有SEN，但只有3名獲轉介入讀特殊學校，其餘超過九成獲派主流學校。梁永樂表示這反映當局派位主要都係以主流小學為主，因此育有SEN孩子的父母在填報小一選校時更加要用心。他建議這類父母可考慮一些「弱勢學校」，因為部分弱勢學校由於收生人數少，反而老師對學生的照顧會更多。
弱勢學校相對有利SEN
最後最老土又最實用的，就係校網分佈。年年都有家長大頭蝦搞錯自己所屬校網，但其實一街之隔可能已經係兩個不同校網，大家要留意清楚呀。Happy Mama在此預祝大家都可以順利入到心儀學校！
《小一入學報告書2014》現於教育局網站（www.edb.gov.hk）供下載。可在主頁按「教育制度及政策」>小學及中學教育>學位分配 >小一入學統籌辦法。
Happy Mama同本刊升學專欄作家梁永樂傾過，佢喺今期專欄就會詳細分析如何利用報告書的數據，計算入到心儀小學的勝算。當然，Happy Mama為咗天下父母，再出力請梁永樂呢位明報前教育新聞組長講多啲。佢分享咗以下3點﹕
首先，教育局公布了由統一派位截止日期至8月31日期間，共有222名申請學童因遷居而獲當局在新居住地區的校網安排小一學位，反映有部分家長在放榜後遷居，而佢哋嘅小朋友就喺新校網入學。當然梁永樂咁講並唔係鼓勵家長為博入心儀學校而在放榜後先遷居，家長宜自行考慮清楚當中利弊。
愈來愈多家長關心特殊學習需要（SEN）學生的情况。根據報告書，去年有1273名申請小一派位的學童表示自己有SEN，但只有3名獲轉介入讀特殊學校，其餘超過九成獲派主流學校。梁永樂表示這反映當局派位主要都係以主流小學為主，因此育有SEN孩子的父母在填報小一選校時更加要用心。他建議這類父母可考慮一些「弱勢學校」，因為部分弱勢學校由於收生人數少，反而老師對學生的照顧會更多。
弱勢學校相對有利SEN
最後最老土又最實用的，就係校網分佈。年年都有家長大頭蝦搞錯自己所屬校網，但其實一街之隔可能已經係兩個不同校網，大家要留意清楚呀。Happy Mama在此預祝大家都可以順利入到心儀學校！
《小一入學報告書2014》現於教育局網站（www.edb.gov.hk）供下載。可在主頁按「教育制度及政策」>小學及中學教育>學位分配 >小一入學統籌辦法。
回應 (0)
