長者殘疾者兩蚊搭綠van

【明報專訊】今個月29日開始，長者及殘疾人士嘅兩蚊搭車優惠會擴展至綠色專線小巴（綠van），首階段會覆蓋大約八成、即係407條路線，估計約有120萬人受惠。65歲或以上長者、65歲以下殘疾程度達100％嘅綜援受助人，同埋傷殘津貼受惠者，喺任何時間攞住指定八達通，就可以享受每程兩蚊價錢，乘搭貼有優惠計劃標誌嘅綠色專線小巴。


3．29起 覆蓋八成路線

Emily提提大家，參與計劃嘅專線小巴會喺車頭擋風玻璃、側門旁邊同埋八達通閱讀器頂端貼上標誌，有咩唔明可以打電話去1823查詢。勞工及福利局長張建宗就話，乘車優惠可以鼓勵長者同埋殘疾人士走進社區，政府會繼續鼓勵其餘嘅專線小巴營辦商參與計劃。