亞視5節目入欣賞指數20大

【明報專訊】香港電台噚日公布舊年第四季（10月1日至12月31日）電視節目欣賞指數調查結果，港大民意研究計劃今年初以電話訪問2040個9歲或以上香港居民，總結欣賞指數最高嘅頭20名節目，亞視雖然於舊年底起屢欠薪，但今次足足有5個節目打入20大，同無綫平分秋色，相比前年第四季調查亞視只得1個節目入20大，可謂大進步。


欣賞指數頭20名入面，大贏家係港台，佔咗7個節目，無綫、亞視分別有5個節目，有線電視就有3個，當中三甲依次由無綫《守護生命的故事2》、港台《鏗鏘集》同港台《2012年香港政情大事回顧》奪得。


港台上榜最多 無綫節目奪冠

亞視排名最高節目係第10名嘅《追憶黃霑當年情》，亞視亦都包辦埋第12至第15位，分別係《感動香港》評選講演會、人物頒獎禮，同埋《時事追擊》、《回首2014系列》。