北京用唔倒Gmail 人代愛搵陳勇幫手翻牆

【明報專訊】一眾人大代表及政協家去晒北京開會，佢哋雖然比較熟悉國情，成日跑去北京，但唔少人都遇到科技問題，就係唔識「翻牆」睇香港嘅資料，有人更喺北京用唔到Gmail處理公務，感到好頭痛。Emily聞說，人代們一遇到問題，都鍾意搵陳勇同埋姚祖輝幫手，因為佢哋比較熟手，而陳勇做過社工工作，遇到求助都樂意幫忙。


另外，36個港區人代喺北京為方便聯絡，都開咗個WhatsApp群組，但人多難免口雜，大家你一言我一語，有人將一啲資訊放上群組分享，搞到要團長譚惠珠出聲溫馨提示，叫大家發信息之前應該先核實資料真偽，費事有錯誤資訊引起誤會啦。