記者採訪遇阻 饒戈平與保安理論

【明報專訊】今年人大政協兩會嘅保安比以往嚴密，身兼全國政協嘅基本法委員會委員、北大法學院教授饒戈平都領略到。話說Emily前日同行家一齊去饒戈平下榻嘅酒店做訪問，饒教授話一早同接待部門登記，話會有記者來訪，點知記者拎住兩會採訪證登記入內時就被保安拒絕，事關該酒店只限港澳記者喺朝早8點至11點半採訪。饒教授聽到都不禁話嗰段時間佢應該開緊兩會，唔會得閒受訪。


港澳記者限朝早採訪

饒教授都算唔話得，親自出馬，喺室外4℃下同保安人員爭取咗接近50分鐘，驚動埋兩會會議秘書人員打咗3、4個電話「斡旋」，記者又再登記、再經過安檢，最終得以入內同饒教授傾偈。