警隊科大招兵 攤位「被佔領」

【明報專訊】警察招募組噚日原定參加科技大學嘅職業博覽，招募有志加入警隊嘅科大生。學生組織「科大行動」噚日中午就去咗「佔領」警方個攤位，包括展示寫有「香港公安歡迎光臨」嘅簡體字標語，以及警方喺處理佔領行動時嘅懷疑濫權照片，抗議警方於佔領期間對學生使用武力仍到大學招募。科大行動就話由下午1點等到5點，警方都無代表現身，批評警方無膽面對公眾。


警方發言人就話，噚日中午已經知道有學生準備到場示威，阻礙其他同學前往攤位，考慮到現場情况，認為繼續擺放攤位已經唔能夠達到原先目的，所以決定退出展覽喎。


科大發言人就話維護言論同表達自由，期望學生和平、理性、守法表達自己意見，同時亦要顧及展覽可以順利進行。


（「科大行動」圖片）