無綫辭職記者搵到新工

【明報專訊】舊年佔領行動，無綫電視新聞部一班員工抗議高層處理7警涉毆打示威者嘅手法有問題，部分人早前辭職。據Emily所知，前助理採訪主任何永康，以及記者林子豪、談美琪等人已經搵到新工，談美琪下個月去聯合醫院擔任傳訊經理，何永康做番電子傳媒，林子豪就有新發展。佢哋搵到新工，Emily都戥佢哋高興。


做醫院公關同做記者工作好唔同，記者會向公關查詢，有時仲會窮追不捨，為避產生摩擦，最初記者轉去做公關時，係要花啲時間適應一下新工作。至於聯合醫院前任傳訊經理姚健文就升咗職，去咗新界西擔任聯網經理（公共事務），姚健文以前亦喺亞視做過記者。