梁美芬10萬本《文憲》派街坊

【明報專訊】有法律界背景嘅經民聯梁美芬印咗10萬本新版《一國兩制有關文憲》（圖），準備派畀街坊同相熟學校。原來呢本《文憲》2004年時已經印過，時任立法會主席范徐麗泰更有份牽頭，事隔10年，梁美芬就加咗啲新嘅人大決定入去，仲打算印埋英文版，話好多外國朋友有興趣。


佢打算趁4月《基本法》頒布25年，以基本法教育協會名義，請全國人大常委會副秘書長李飛、基本法委員會委員饒戈平等人到香港，舉行論壇講基本法，睇嚟李飛4月來港見泛民消息「空穴來風，未必無因」喎！