新聞類別
財經
詳情#
【明報專訊】噚日係「大笨象」匯豐150周年，行政總裁歐智華出現喺中環匯豐總行，為一個奇怪雕塑舉行揭幕禮。咁難得出到嚟，小琴仲想問下佢被政府追交差餉一事，但佢就係唔肯同記者傾偈。
一粒微不足道 積聚就有價值
至於個雕塑有幾怪？佢哋話係一粒稻米，用嚟形容匯豐員工。如果我係匯豐員工都會覺得幾奇怪？匯豐就話，稻米係主要嘅國際貿易商品，反映匯豐成立初期係為貿易提供服務嘅銀行。而一粒米雖然微不足道，但積聚起嚟就好有價值，代表匯豐每位員工共同努力，先有今日嘅成就。聽落都有紋有路，不過小琴行近一睇，粒飯中間係空心嘅！空心飯係咩意思，大家各有領悟。總之小琴覺得，如果食咗一碗中間空心嘅飯，感覺會好唔滿足。
匯控今天開記者會介紹150周年有乜嘢慶祝活動，好多人期待嘅紀念鈔料有詳情公報。
email: piano@mingpao.com
[小琴密語]
回應 (0)
