新聞類別
副刊
詳情#
【明報專訊】上周財爺公布新一年財政預算案，Happy Mama同一眾媽咪friend都一路追住即時新聞，睇吓佢有咩幫到我哋呢班父母。家長望到頸都長的15年免費教育都係半點墨水都無提及，只係得一句政府會投放1.3億元加強託兒服務。
全日制幼園未必有資助
Happy Mama同非牟利幼兒教育機構議會副主席劉燕琼傾過，佢形容呢份財政預算案對在職父母而言係「唔湯唔水」，因為丁點兒都無講過免費幼兒教育是否包括全日服務。劉燕琼解釋﹕「幼稚園有一億政府資助，係有資源可以額外提供全日或長全日服務，但父母有沒有能力去負擔呢？」免費幼稚園教育委員會早前提出，擬只資助非牟利半日制幼稚園，全日制及長全日制部分要再行研究。劉燕琼擔心唔係個個家長有能力支付費用。
幼稚園教師人手配套不足，亦係劉燕琼另一個關心的問題。佢批評﹕「政府單方面想短時間內增加託兒服務名額，又唔考慮人手等配套問題，好大可能出現學校鬥搶人的局面。」劉燕琼亦指出，政府一直對幼兒教育欠缺足夠承擔，只是着眼於資唔資助、資助幾多嘅問題上，但係整體幼兒教育上卻欠缺規劃，只係一味想交由市場解決，長遠無法提升幼兒教育質素。
欠缺人手配套 或變盲搶人
早前的一項調查發現，歐盟地區入讀全日制幼兒學校的學童比例比香港高好多。例如冰島因為配套得宜，令當地九成的小朋友都可以入讀全日制幼兒學校，相反香港只有三成學童可以受惠。為振興本地旅遊業，財爺宣布研究引入外地流行的美食車（Food Truck）。唔知港府幾時引入歐盟國家完善的家庭友善政策，令父母可以安心出外工作呢？
全日制幼園未必有資助
Happy Mama同非牟利幼兒教育機構議會副主席劉燕琼傾過，佢形容呢份財政預算案對在職父母而言係「唔湯唔水」，因為丁點兒都無講過免費幼兒教育是否包括全日服務。劉燕琼解釋﹕「幼稚園有一億政府資助，係有資源可以額外提供全日或長全日服務，但父母有沒有能力去負擔呢？」免費幼稚園教育委員會早前提出，擬只資助非牟利半日制幼稚園，全日制及長全日制部分要再行研究。劉燕琼擔心唔係個個家長有能力支付費用。
幼稚園教師人手配套不足，亦係劉燕琼另一個關心的問題。佢批評﹕「政府單方面想短時間內增加託兒服務名額，又唔考慮人手等配套問題，好大可能出現學校鬥搶人的局面。」劉燕琼亦指出，政府一直對幼兒教育欠缺足夠承擔，只是着眼於資唔資助、資助幾多嘅問題上，但係整體幼兒教育上卻欠缺規劃，只係一味想交由市場解決，長遠無法提升幼兒教育質素。
欠缺人手配套 或變盲搶人
早前的一項調查發現，歐盟地區入讀全日制幼兒學校的學童比例比香港高好多。例如冰島因為配套得宜，令當地九成的小朋友都可以入讀全日制幼兒學校，相反香港只有三成學童可以受惠。為振興本地旅遊業，財爺宣布研究引入外地流行的美食車（Food Truck）。唔知港府幾時引入歐盟國家完善的家庭友善政策，令父母可以安心出外工作呢？
回應 (0)
