立法會代表團訪德

【明報專訊】北京本月初開人大、政協兩會會議，唔少議員都北上開會，而立法會都停一停唔使開大會，部分議員就應德國政府邀請，噚晚啟程去德國訪問。Emily聽講今次「取經之旅」，議員將會了解吓德國嘅政治同選舉制度，唔知會唔會為第二輪政改諮詢帶來新氣象呢？


今次嘅議會訪問為期6日，由民主黨劉慧卿帶團，自由黨張宇人做副團長，仲有李卓人、陳克勤、謝偉俊、梁繼昌、郭榮鏗、葉建源同鄧家彪。


佢哋先後會去首都柏林同其中一個聯邦州不來梅，與國會下議院議員，以及負責選舉、豁免權及議事規則審議委員會委員見面，交流一下兩地政制。