馬化騰派利市 幾千員工打蛇餅

【明報專訊】春節期間阿里巴巴同「宿敵」騰訊（0700）係網上「發紅包」大戰一場，不過線下馬雲就話今年公司唔派開年利市，宿敵馬化騰唔止一如以往喺噚日年初八開工日派利市，幾千名員工排隊拜年仲打晒「蛇餅」。


馬化騰嘅辦公室喺深圳騰訊大廈頂樓39樓，一大早員工就在底下排長龍，等待幾個鐘就為上頂樓「刷老闆」逗利市。現場人山人海，隊伍仲排到大廈外打蛇餅。馬化騰都幾有心，特登著火紅唐裝，企喺辦公室門口迎接。


騰訊從1998年成立起就每年派開工利市，領取「紅包路線圖」會提前一個月制訂，孕婦還設有綠色通道。利市金額就從20至100元不等。小琴覺得金額不在多少，一年一次同馬化騰握手嘅機會都幾難得啦。


[小琴密語 email: piano@mingpao.com]