助融創購佳兆業 武捷思大有來頭

【明報專訊】做老闆嘅，要做好一件事，最緊要請啱人，好似融創中國（1918）早幾日為收購佳兆業（1638）請嘅首席併購及重組官武捷思。好多人知佢做過廣東內房股合生創展（0754）同奧園（3883）高層，但其實佢仲大有來頭，係前任深圳市副市長，又係現在中紀委書記王岐山主政廣東時的廣東省長助理。


1999年，武捷思臨危受命派到香港，對當時負債高達35.85億美元嘅廣東大型國企粵海集團債務重組，係國企歷史上第一個債務重組項目。3年後，粵海扭虧為盈，傳為佳話。當時佢係王岐山旗下一員猛將。


曾助粵海扭虧為盈

今次深圳龍頭房企佳兆業陷入債務危機，融創請出現年64歲嘅武捷思「救火」，可謂當仁不讓。佳兆業危機源頭同深圳反腐有關，武生係政界出身，根基深厚，又在廣東地產圈經營多年，加之粵海重組嘅經典案例，政商皆通，整合佳兆業大有用武之地。請到佢出馬，相信融創收購可以安心不少啦。


email: piano@mingpao.com

[小琴密語]