袁詠儀為開飯鑿冰 張智霖嗌感動

【明報專訊】張智霖（ChiLam）與袁詠儀（靚靚）在新一集內地真人騷《一路上有你》慘被糟質，無啖好食兼要挑戰零度低溫。扮管家的金希澈帶領3對明星夫婦到其家鄉江原道，一試大自然冬季野營滋味。


天寒地凍落水捉魚

適逢該處舉行冬季慶典，飢寒交迫下，ChiLam與靚靚為開飯，踩落魚池徒手捉魚，靚靚手一掂水已凍到抽筋，大叫：「我的媽呀！好冷呀！」不過她大發雌威，邊吼邊捉，結果成功活捉幾條魚，益眾人大擦一餐。


除了捉魚，ChiLam與靚靚還在雪地搭帳篷，及要鑿冰取藏於冰內的即食便當。靚靚再度發威，手起鎚落，鑿爆大冰磚兼神力劈柴，ChiLam就負責生火表演野外韓燒。由於物品不足，靚靚又出茅招去小商店狂掃飲品零食，這一餐燒肉配即食麵來得不易，ChiLam說：「好感動」。


娛樂組

■更多娛樂猛料 ﹕ol.mingpao.com