新聞類別
財經
詳情#
【明報專訊】又到農曆新年，港交所（0388）每屆主席同行政總裁，每年循例都會影返幀賀年相，不過港交所今年與時並進，周松崗同李小加今年齊齊玩拍片，小加仲開金口用廣東話講賀年說話；不過呢條全長唔夠1分鐘嘅賀年片，明顯係由六段片砌成，莫非係佢哋NG多得滯？
首次開金口 用廣東話拜年
港交所呢條歷史性賀年片段，一開頭係周主席同小加總裁面對面互相拜年，之後就輪流向觀眾拜年，向來話自己廣東話「識聽唔識講」嘅李小加，仲用廣東話講咗「恭喜發財，大吉大利」八個字，認真畀面。
向來眼利嘅小琴發現，呢條片全長43秒，如果扣埋開頭同收尾出賀年圖嘅片段，周主席同小加總裁演出時間不足40秒，但呢40秒竟然係由6個片段砌成，睇怕兩位主角應該NG咗唔少次，不過以首次演出嚟講已算唔錯，而港交所一班公關咁有心思，更加抵讚。
[小琴密語]
首次開金口 用廣東話拜年
港交所呢條歷史性賀年片段，一開頭係周主席同小加總裁面對面互相拜年，之後就輪流向觀眾拜年，向來話自己廣東話「識聽唔識講」嘅李小加，仲用廣東話講咗「恭喜發財，大吉大利」八個字，認真畀面。
向來眼利嘅小琴發現，呢條片全長43秒，如果扣埋開頭同收尾出賀年圖嘅片段，周主席同小加總裁演出時間不足40秒，但呢40秒竟然係由6個片段砌成，睇怕兩位主角應該NG咗唔少次，不過以首次演出嚟講已算唔錯，而港交所一班公關咁有心思，更加抵讚。
[小琴密語]
回應 (0)
