杜耀明：諗過告親中傳媒

【明報專訊】親建制嘅報紙不時都會以大篇幅報道支持民主派學者嘅負面新聞，浸會大學新聞系助理教授杜耀明噚日話佢亦曾經中招，而佢諗過係咪要以法律途徑追究，不過杜耀明話，唔想告佢變成「捧」佢哋，原因係指控佢嘅報章「無人睇」。


杜耀明噚日出席大專師生教職員公布聯署堅守學院自由嘅記招，其間話自己都有諗過好唔好就一啲親中傳媒嘅負面報道控告對方，但最後無去訴訟，因為佢認為報道都無咩人睇，好似佢喺2008年做過調查，部分親中傳媒讀者少到喺統計學上無重要性。


杜耀明話，自己又唔係乜嘢特別人物，所以無就「失實」報道提出訴訟，但就好支持港大法律學院前院長陳文敏，以法律途徑追究失實報道。