新聞類別
財經
詳情#
【明報專訊】近日小琴鐘意咗追連續劇，套劇嘅節奏相當緊張，主角湯文亮做得相當傳神，不過第二男主角林一鳴唔想再演落去，搞到噚晚好可能已上演咗大結局。
話說紀惠集團行政總裁湯文亮近日話細價樓3個月內爆煲，好多人都反駁佢。於是佢星期六向最激烈反對佢嘅林一鳴下戰書，話如果估錯6個月後的樓價走勢，就喺福臨門擺圍和頭酒，仲會請埋小琴去，然後公開向林一鳴認錯。
正當小琴買定一斤花生，林一鳴卻請佢食檸檬。林一鳴話，他大大話話寫分析寫咗二十年，如果個個同佢有唔同意見嘅人都話要約出嚟，咁佢咪好唔得閒？所以對唔住，佢唔會出席。不過，如果湯文亮得閒，佢願意做東請客。有網民質疑林一鳴縮沙，佢就回應話，佢只係驚出風頭，其實佢仲堅持佢嘅睇法，即係細價樓喺3至6個月內唔會爆煲。
湯文亮：提醒大家唔好魯莽上車
噚晚主角湯文亮就終極回應，讚賞林一鳴有學者風範，仲話查實自己都覺得贏面唔大，之所以挑戰係想提醒人唔好魯莽上車。兩位大師鬥完分析就鬥謙虛，小琴都睇到毛管戙。湯文亮仲話，林一鳴拒絕咗佢，老實講佢有少少失望。其實唔只湯生，小琴同一大堆花生友仲失望呀！
email: piano@mingpao.com
[小琴密語]
話說紀惠集團行政總裁湯文亮近日話細價樓3個月內爆煲，好多人都反駁佢。於是佢星期六向最激烈反對佢嘅林一鳴下戰書，話如果估錯6個月後的樓價走勢，就喺福臨門擺圍和頭酒，仲會請埋小琴去，然後公開向林一鳴認錯。
正當小琴買定一斤花生，林一鳴卻請佢食檸檬。林一鳴話，他大大話話寫分析寫咗二十年，如果個個同佢有唔同意見嘅人都話要約出嚟，咁佢咪好唔得閒？所以對唔住，佢唔會出席。不過，如果湯文亮得閒，佢願意做東請客。有網民質疑林一鳴縮沙，佢就回應話，佢只係驚出風頭，其實佢仲堅持佢嘅睇法，即係細價樓喺3至6個月內唔會爆煲。
湯文亮：提醒大家唔好魯莽上車
噚晚主角湯文亮就終極回應，讚賞林一鳴有學者風範，仲話查實自己都覺得贏面唔大，之所以挑戰係想提醒人唔好魯莽上車。兩位大師鬥完分析就鬥謙虛，小琴都睇到毛管戙。湯文亮仲話，林一鳴拒絕咗佢，老實講佢有少少失望。其實唔只湯生，小琴同一大堆花生友仲失望呀！
email: piano@mingpao.com
[小琴密語]
回應 (0)
