新聞類別
財經
詳情#
【明報專訊】阿里巴巴舊年又上市、賺錢又多，點知執行主席馬雲（圖）竟然慳皮到今年唔派公司利市，唔係吓化？！佢噚日就寫咗封信畀員工，話集團冇做到啲特別嘅成績兼冇驚喜，上市更加係一早預咗嘅，所以全部人冇公司利市收。佢仲叫大家畀啲心機，喺羊年做好啲嚟「搶紅包」。
之不過，舊年都畀咗年終雙糧，嚟緊4月份就會出埋獎金，算係咁啦。有阿里員工就話，其實封公司利市都唔係特別大封，攞唔攞分別唔係好多。發言人就話，利市只是酌情發放，不關獎金、加人工事。
小琴覺得新年派利市都係攞個意頭啫，尤其是公司嗰封，當係同班手足拜個年，大家利利是是咁話。馬總今次大條道理唔派，難怪有內地網民都抵唔住頸，串佢不派利市都咁理直氣壯。
[小琴密語 email: piano@mingpao.com]
之不過，舊年都畀咗年終雙糧，嚟緊4月份就會出埋獎金，算係咁啦。有阿里員工就話，其實封公司利市都唔係特別大封，攞唔攞分別唔係好多。發言人就話，利市只是酌情發放，不關獎金、加人工事。
小琴覺得新年派利市都係攞個意頭啫，尤其是公司嗰封，當係同班手足拜個年，大家利利是是咁話。馬總今次大條道理唔派，難怪有內地網民都抵唔住頸，串佢不派利市都咁理直氣壯。
[小琴密語 email: piano@mingpao.com]
回應 (0)
